Ulybrıtanııada 4 aýrýhana Ebola dertine shaldyqqan naýqastardy qabyldaýǵa ázir
ASTANA. QazAqparat - Ulybrıtanııa bıligi Ebola derti elde taraǵan jańdaıda atalǵan indetke shaldyqqan naýqastardy qabyldaıtyn tórt aýrýhanany daıyndady.
Brıtanııa aýmaǵynda atalǵan kesel paıda bolsa, naýqastar Londonnyń soltústiginde ornalasqan tegin emdeıtin Koroldik aýrýhanaǵa (Royal Free Hospital) jetkiziledi. Munda Ebola bezgegin juqtyrǵan eki naýqasty ornalastyrýǵa bolady.
Sondaı-aq, bul aýrýhanada syrqattarǵa oryn jetpegen jaǵdaıda Nıýkasl, Sheffıld jáne Lıverpýl qalalaryndaǵy úsh iri aýrýhananyń ınfektsııalyq bólimderine jatqyzylady.
EO-da Ebola vırýsyn juqtyrýdyń 8 jaǵdaıy tirkelgen. Alaıda Eýrokomıssııa derttiń Eýropada taralý qaýpin kórip otyrǵan joq, dep habarlady Eýrokomıssııanyń ókili Frederık Vınsent.
