Ulybrıtanııada 35 órt sóndirýshiniń qudyqqa qulap ketken ponıdi qutqarýy 6 saǵatqa sozyldy
ASTANA. 28 qańtar. QazAqparat - Ulybrıtanııada keshe Somerset graftyǵynyń fermasynda qudyqqa qulap ketken ponıdi qutqarý boıynsha 6 saǵattyq operatsııaǵa 30-dan astam órt sóndirýshi jumyldyryldy,
dep habarlady Ýtro.rý.
Nova atty janýardyń joǵalyp ketkenin onyń ıesi Ilıar de Alvero baıqady. «Biz Nova sýǵa batyp, tunshyǵyp qalar ma eken dep ábden qoryqtyq», - dedi ol. Biraq 5 jastaǵy ponı nebári 2,5 m tereńdiktegi qudyqqa qulap ketken bolyp shyqty. Sý tek janýardyń jarty denesine ǵana jetken.
Oqıǵa ornyna 35 órt sóndirýshi jetti, olar alty saǵattan keıin ǵana ponıdi arnaıy mehanızmniń jáne beldiktiń kómegimen kóterip, syrtqa shyǵardy.
