Ulybrıtanııada 30-ǵa jýyq mektep oqýshysy túsiniksiz sebeptermen esinen tanyp qaldy
ASTANA. QazAqparat - Ulybrıtanııada Soltústik Iorkshır gravtyǵynda Outwood Academy mektebinde muǵalimdi qosqanda 28 adam aýrýhanaǵa jetkizildi. Bul keshe, 11 qarasha, tústen keıin oryn aldy.
11-16 jas aralyǵyndaǵy mektep oqýshylary esterinen tanyp qulaǵany anyqtaldy.
Oqýshylar men oqytýshynyń ózderin jaısyz sezinýine ne sebep bolǵany belgisiz kúıinde qalyp otyr. Jergilikti BAQ jazǵandaı, bul aýdanda aýaǵa hımıkat tarap, ýly bý saldary osyndaı jaǵdaıǵa ákelýi múmkin.
Іstiń mán-jaıy anyqtalǵansha, mektep jabyldy.
Jergilikti polıtsııa basqarmasy quqyq qorǵaý organdarynyń qyzmetkerleri medıktermen, órt sóndirýshilermen birlesip jumys isteýde. Olar jappaı esinen tanýdyń sebepterin anyqtaýǵa tyrysýda, dep jazady sheteldik BAQ.
