Ulybrıtanııada 2013 jyly týrısterden túsken kiris rekordtyq 35 mlrd. dollarǵa jetti
ASTANA. QazAqparat - 2013 jyly Ulybrıtanııaǵa kelgen týrıster rekordtyq soma 21 mlrd. fýnt (35,2 mlrd. dollar) jumsady. Bul týraly Ulybrıtanııanyń týrızm jónindegi basqarmasynyń jeksenbi kúni jarııalanǵan baıandamasynda aıtylǵan., dep habarlady ITAR-TASS.
Mamandardyń málimetterine qaraǵanda, 2013 jyly Ulybrıtanııaǵa 32,8 mln.-ǵa jýyq sheteldikter keldi. Bul budan burynǵy jylmen salystyrǵanda, 5,6 paıyz kóp. Sonymen birge týrıster jumsaǵan qarajattardyń jalpy somasy da eleýli túrde - 12,7 paıyzǵa ósken.
Brıtandyq qalalardyń ishinde tanymaldyǵy jaǵynan London oq boıy ozyq tur. 2013 jyly astanaǵa týrıster 16,7 mln. ret kelgen, bul 2012 jylmen salystyrǵanda 8,6 paıyzǵa kóp. Sheteldikterdiń ekinshi eń kóp keletin jeri - Edınbýrg (jylyna 1,3 mln. sapar), al úshinshi orynda - Manchester qalasy (1 mln. sapar).
«London halyqaralyq týrızmniń naǵyz sýperjuldyzy bolyp qalyp otyr, - dep málimdedi VisitBritain strategııa jónindegi dırektory Patrısha Eıts. - Alaıda biz el ishindegi basqa da baǵyttardy damytýymyz qajet».
«Bizdiń aldymyzda basqa da brıtandyq qalalardy tanyta bilý mindeti tur, biz olarǵa barý da qyzyq ekenin jáne kóp ýaqytty qajet etpeıtinin kórsetýimiz qajet», - dep atap kórsetti ol.
