Ulybrıtanııada 1976 jyldan bergi eń kúshti qurǵaqshylyq baıqalýda
ASTANA. 17 sáýir. QazAqparat - Ulybrıtanııada 1976 jyldan bergi eń kúshti qurǵaqshylyq baıqaýda, dep habarlady «Interfaks» agenttigi.
Brıtandyq Daily Telegraph gazetiniń habarlaýynsha, 35 mln.-nan astam brıtandyq qurǵaqshylyqqa ushyraǵan aımaqtarda sý jetispeýshiliginen zardap shegip otyr.
Brıtandyq qorshaǵan ortany qorǵaý mamandary qurǵaq aýa raıy sýdy paıdalanýdy shekteýdi engizýge ákep soǵýy múmkin dep paıymdaıdy. Ulybrıtanııanyń qorshaǵan ortany qorǵaý mınıstri Kerolaın Spelman múmkindiginshe sýdy únemdi paıdalaný qajettigin atap ótti, óıtkeni qurǵaqshylyqqa barǵan saıyn eldiń jańa aýdandary tap bolýda. Onyń aıtýynsha, sýdy únemdeý jaýapkershiligin barlyǵy birdeı kóterýi tıis.
1976 jyly Ulybrıtanııa HH ǵasyrdaǵy eń kúshti qurǵaqshylyq saldaryn basynan keshken bolatyn. Onda ózender men toǵandardaǵy sý deńgeıi múlde tómen túsip ketti. Ókimet oryndary qala kóshelerinde sý kolonkalaryn ornatyp, sýdy paıdalanýdy shekteýge, mektepterdi jabýǵa májbúr boldy.
