Ulybrıtanııa XVIII ǵasyrdaǵy qaryzdarynan qutylmaq
ASTANA. QazAqparat - Ulybrıtanııa úkimeti XVIII ǵasyrda qordalanyp qalǵan, sondaı-aq Birinshi dúnıejúzilik soǵys kezindegi memlekettik qaryzdaryn qaıtarmaq. Bul týraly The New York Times basylymy habarlady.
Sondaı-aq London tipti 1720 jyly alǵan qaryzdyq mindettemelerinen de qutylýdy kózdep otyr. Sol kezde sátsiz aqsha saýdasynyń saldarynan Ońtústik teńizder saýda kompanııasy bankrotqa ushyrady, al ınvestor bolǵan myńdaǵan brıtandyq ózderiniń dáýletin aıyryldy. Elde qarjy daǵdarysy bastaldy, ol Ulybrıtanııa úkimetin halyqaralyq nesıe berýshilerge júginýge májbúrledi.
Qarjy mınıstri Djordj Osborn 2015 jyly úkimet Birinshi dúnıejúzilik soǵys kezindegi qaryzdarynan qutylady, budan keıin XIX jáne XVIII ǵasyrlarda kórsetilgen qarjylyq kómekpen eseptesedi, dep naqtylady. Onyń aıtýynsha, el bıligi qordalanyp qalǵan bereshekterden tómen paıyz mólsherlemelerimen qutylýǵa úmit artýda.
Ulybrıtanııanyń tarıhı qaryzynyń somasy 2,5 mıllıard fýnt sterlıngini quraıdy, dep atap ótedi Deutsche Welle. Al jalpy memleket qaryzy 1,4 trıllıon fýnt sterlıngke jetken.
Budan buryn Ulybrıtanııa úkimeti 1927 jyly Ýınston Cherchıll shyǵarǵan oblıgatsııalar boıynsha qaryzdardyń bir bóligin óteıtinin habarlaǵan bolatyn, onda ol qarjy mınıstri bolǵan edi. Qundy qaǵazdar Birinshi dúnıejúzilik soǵys, sondaı-aq Qyrym soǵysy men Napoleonǵa qarsy naýqan kezindegi qaryzdardy jabýǵa ornalastyrylǵan bolatyn. Qarjy mınıstrligi 2015 jylǵy 1 aqpanǵa 218 mıllıon fýnt sterlıng tólenetinin jarııalady.
