Ulybrıtanııa turǵyndary qymbatshylyqtan azyq-túlikti az-azdan satyp ala bastady
« Gardıan « jergilikti gazeti jazǵandaı, Ulybrıtanııada dúken sórelerindegi makaron ónimderi 45 %-ǵa, konservilengen qyzanaq pen jumyrtqa 13 %-ǵa qymbattaǵan. Súttiń baǵasy shamamen 20 %-ǵa artqan.
Ekonomıster kelesi sársenbide resmı statıstıka sáýirdegi baǵanyń jalpy ósýi shamamen 9%-dy quraıtynyn kórsetedi dep boljaıdy. Al Anglııa banki bıyl bul kórsetkish 10%-dan asady dep boljap otyr. Bul – 1982 jyldan bergi eń joǵary kórsetkish.
Barlyq iri sýpermarketterdi usynatyn brıtandyq bólshek saýda konsortsıýmynyń (BRC) basshysy «tutynýshylardy qıyn kezeńder kútip tur» degen pikirge kelisip otyr.
«Álemdik azyq-túlik baǵasy rekordtyq deńgeıde, bul energııa men kólik shyǵyndarynyń ósýine, sondaı-aq eńbek naryǵynyń óte shekteýli bolýyna baılanysty», – dedi onyń bas atqarýshy dırektory Helen Dıkınson.
Ómir súrý qunynyń daǵdarysy qazirdiń ózinde adamdardyń tutynýshylyq ádetterin ózgertýge májbúr etip otyr. Ulttyq statıstıka basqarmasy (ONS) jarııalaǵan qoǵamdyq pikir men áleýmettik tendentsııalardyń sońǵy zertteýine sáıkes, árbir bes eresek adamnyń ekeýi dúkenge barǵan kezde azyq-túlikti az-azdan satyp alady. Bul kórsetkish 2022 jyldyń basyndaǵy kórsetkishten eki ese kóp.
Brıtandyq statıstıka bıýrosynyń (ONS) saýalnamasynda árbir on eresek brıtandyqtyń toǵyzy osy aıdaǵy shyǵyndary burynǵyǵa qaraǵanda joǵary ekenin aıtqan.
