Ulybrıtanııa Tetcherdi jerleý rásimine 5,5 mln. dollar jumsady
ASTANA. 26 sáýir. QazAqparat - Margaret Tetcherdi jerleýge brıtandyq qazynadan 3,6 mln. fýnt sterlıng (5,5 mln. dollarǵa jýyq) jumsaldy.
Bul týraly The Telegraph jazýda. Basylymnyń esebinshe, «Temir hanymdy» jer qoınyna tapsyrý úshin Birikken Koroldiktiń árbir turǵyny alty pensaǵa (toǵyz tsent) shyǵyndaldy.
Gazettiń jazýynsha, 500 myńǵa jýyq fýnt (765 myń dollar) jerleý rásimine daıyndyqqa jáne oǵan shaqyrýǵa, Uly Pavel shirkeýinde rásimdi uıymdastyrýǵa, sondaı-aq resmı qabyldaýlarǵa jumsaldy. Іs-sharalardy ótkizý barysynda polıtsııalardyń kezekshilikte bolýyna jáne ózge de qaýipsizdik sharalaryna bıýdjetten 1,1 mln. fýnt (1,6 mln. dollar) baǵyttaldy. Taǵy eki mıllıon fýntty (úsh mıllıon dollardan astam) jerleýdi uıymdastyrý úshin quqyq qorǵaý organdary kúshterin qaıta úlestirýmen baılanysty shyǵyndar qurady.
Tetcherdi aqtyq saparǵa shyǵaryp salý rásiminiń quny 1965 jyly Ýınston Chercheldi jerleýge jumsalǵan shyǵyndardan (787 myń fýnt nemese 1,2 mln. dollar) bes esege asyp tústi.
Eske salaıyq, Margaret Tetcher 2013 jyldyń 8 sáýiri kúni 87 jasynda dúnıeden ozdy. Ol Ulybrıtanııa premeri laýazymynda 1979-1990 jyldar aralyǵynda boldy. Tetcherdi jerleý rásimi 17 sáýir kúni Uly Pavel shirkeýinde áskerı syı-qurmetpen ótti.
