Ulybrıtanııa tarıhynda alǵash ret paraqor sottaldy
ASTANA. 21 qarasha. QazAqparat - Brıtan soty el tarıhynda alǵash ret paraqorǵa úkim shyǵardy, dep habrlady Lentý.rý saıty. Reuters agenttiginiń habarlaýynsha, 22 jastaǵy sot klerki Mýnır Patel alty jylǵa bas bostandyǵynan aıyryldy.
Patel qyzmet tártibin buzyp, para alǵany úshin aıyptalyp otyr. Londondaǵy sotta jumys istegen kezinde ol 500 fýnt aqshaǵa jyldamdyqty arttyrǵany týraly aqparatty sottyń málimetter bazasyna engizbeýge kelisim bergen. Tergeý anyqtaǵandaı, ol sot mekemesinde qyzmet jasaǵan kezinde jol qozǵalysy tártibin buzǵan keminde 53 júrgizýshini jaýapkershilikten qutqaryp jibergen.
Paraqorlyq týraly zań Ulybrıtanııada 2011 jylǵy shildeden bastap jumys isteı bastady. Buǵan deıin el zańnamasynda «paraqorlyq» degen bap bolmaǵan, mundaı ister sybaılas jemqorlyqqa qarsy zańnama aýqymynda qaralyp kelgen.
