Ulybrıtanııa salmaqtan arylmaq bolǵan dárigerlerge qosymsha tólemder taǵaıyndady
ASTANA. QazAqparat - Ulybrıtanııa aýrýhanalary qyzmetkerleriniń artyq salmaqpen kúresi úshin 600 mln fýnt sterlıng alady.
Qarajat tegin sporttyq jáne bı sabaqtarynyń ótýine, sondaı-aq zııandy taǵamdardyń satylýyn shekteýge baǵyttalady.
Mundaı josparmen Ulttyq densaýlyq saqtaý qyzmetiniń basshysy Saımon Stıvens tanystyrdy.
Jańa josparǵa sáıkes, artyq salmaqpen kúreste jaqsy nátıje kórsetetin aýrýhanalar Ulttyq densaýlyq saqtaý qyzmetinen qosymsha 2,5% tólem alady.
Resmı statıstıkaǵa súıensek, Ulybrıtanııanyń eresek adamdarynyń úshten eki bóligi artyq salmaqtan zardap shegedi. Olardyń 700 myńy - densaýlyq saqtaý salasynyń mamandary. Sondyqtan Ulttyq densaýlyq saqtaý qyzmeti aýrýhana qyzmetkerleriniń artyq salmaq problemasyn sheshýge nıetti.
Bul júıe el aýrýhanalarynda sáýir aıynan bastap iske qosylady. Tólemder jumysshylar kórsetkishiniń jaqsarýyna jáne aýrýhana aýmaǵynda satylǵan taǵam aýdıtiniń málimetterine baılanysty bolady, dep jazdy lifenews.ru.