Ulybrıtanııa, Reseı, Ózbekstan jáne Qazaqstannyń boksshylary arasynda matchtyq kezdesý ótedi
ASTANA. QazAqparat - 16-19 aqpan kúnderi elordadaǵy «Jastar» saraıynda Ulybrıtanııa, Reseı, Ózbekstan jáne Qazaqstannyń bokstan qurama komandalary arasyndaǵy matchtyq kezdesý ótedi, dep habarlady QR Boks federatsııasynan.
Osymen tórtinshi márte uıymdastyrylyp otyrǵan sporttyq sharaǵa Ulybrıtanııa boksshylary alǵash ret qatysýǵa nıet bildirip otyr. Jalpy, 4 jyl ishinde Ázirbaıjan, Úndistan, Reseı, Ózbekstan, Ýkraına jáne Frantsııa sportshylary kelip, óz baqtaryn synaǵan bolatyn.
Boks jankúılerleri atalǵan kezdeýlerdi Qazaqstan boks federatsııasynyń resmı saıtynan da tikeleı tamashalaı alatyn bolady.
Qazirgi ýaqytta Ulybrıtanııa, Reseı jáne Qazaqstan quramalary Boksty damytý ortalyǵynda birlesken oqý-jattyǵý jıynyn ótkizýde. Al Ózbekstan komandasy elordaǵa 15 aqpan kúni keledi.
