Ulybrıtanııa patshaıymyn óltirmek bolǵan adam psıhıatrııalyq aýrýhanada jatyr

NUR-SULTAN. QazAqparat –Ulybrıtanııa prokýratýrasy Vındzor qamalynyń aýmaǵynda er adamnyń patshaıymdy óltirmek bolǵanyn málimdedi, dep habarlaıdy QazAqparat ABC News-ke silteme jasap.

20 jastaǵy Djasvant Sıngh Chaıl memleketke opasyzdyq jasaý týraly zań boıynsha «Mártebeli patshaıym Elızaveta II-niń jeke basyna zııan keltirý nemese ony alańdatýǵa» árekettený boıynsha aıyptalyp otyr. Oǵan sondaı-aq óltiremin dep qorqytqany jáne qarý saqtaǵany úshin aıyp taǵyldy. Chaıl 2021 jylǵy Rojdestvo kúninde Londonnyń batysyndaǵy koroldik rezıdentsııada qamaýǵa alyndy. Patshaıym sol kezde rezıdentsııada qonaqta bolǵan. Chaıl ustalǵan kezde polıtsııaǵa «Men patshaıymdy óltirý úshin keldim» dep aıtqan.

Prokýrorlar Saýtgempton sýpermarketiniń burynǵy qyzmetkeri kapıýshon men betperde kıip, ózimen birge arbalet alyp júrgenin málimdedi.

Chaıl sot tyńdaýyna Brodmýrdaǵy joǵary qaýiptiligi joǵary psıhıatrııalyq aýrýhanasynan qashyqtan qatysty.

Ol 14 qyrkúıekte ótetin kelesi sot otyrysyna deıin qamaýda bolady.

Foto: abcnews.go.com