Ulybrıtanııa oqýshylary Paıǵambarymyzdyń ómirimen oqyp tanysatyn bolady
ASTANA. 15 qyrkúıek . QazAqparat - Jýyqta Londonnyń ortalyq meshitinde Paıǵambarymyz Muhammed Mustafanyń (s.a.s.) ǵumyrbaıanyn Ulybrıtanııa mektepterinde oqytýǵa arnalǵan konferentsııa bolyp ótti.
Konferentsııaǵa Islam elderi lıgasy bas hatshysynyń orynbasary doktor Adel Al-Shıddı arnaıy keldi. Ulybrıtanııadaǵy musylmandar uıymy qyrkúıek aıyn «Paıǵambar aıy» dep jarııalaǵan bolatyn. Konferentsııa osy ataýly aıǵa dóp kelgen bolatyn. Bul týraly muslim.kz saıtynan habarlandy.
Londonnyń ortalyq meshitiniń dırektory ári Ulybrıtanııadaǵy Islam mádenı ortalyǵynyń jetekshisi doktor Ahmad ad-Dýbaıan habarlaǵandaı, ol el bıligin jalpy bilim beretin mektep qabyrǵasynda paıǵambarymyzdyń ǵumyrbaıanyn oqytýǵa kóndiripti. Mundaǵy maqsat - bylaıǵy jurtty Paıǵambarymyzdyń ómir-tarıhymen tanystyrý arqyly Ol (s.a.s.) týraly jalǵan uǵym, jat pıǵylǵa jol bermeý. Islam elderi lıgasynyń qyzmeti tek Ulybrıtanııamen ǵana shektelip qalmaıdy. Adelıa Al-Shıddıdiń aıtýynsha, Danııada Paıǵambarymyz Muhammed Mustafanyń (s.a.s.) karıkatýrasy paıda bolǵannan keıin Lıga búkil Eýropaǵa Onyń (s.a.s.) ómirin tanystyrýdy aldyna maqsat etip qoıǵan. Osynyń nátıjesinde bul karıkatýraǵa qarsy jurtshylyqtyń qarasy kóbeıgen.
«Ulybrıtanııa musylmandary Paıǵambarymyz Muhammed Mustafanyń (s.a.s.) ómirimen eýropalyqtardyń arasynan alǵashqy bolyp tanysatyndyqtaryn maqtan tutady», - deıdi Ahmad ad-Dýbaıan.
