Ulybrıtanııa Napoleon Bonapart betiniń kóshirme bederin elden tysqary shyǵarýǵa tyıym saldy
ASTANA. 15 qarasha. QazAqparat - Napoleon Bonaparttyń qaıtys bolǵannan keıingi betiniń kóshirme bederi koroldik úshin tarıhı qundylyǵy asa joǵary.
Sondyqtan ol elden tysqary shyǵarylmaýy kerek. Bul týraly Ulybrıtanııanyń mádenıet, kommýnıkatsııa jáne kredıtıvti ındýstrııa memlekettik mınıstri Ed Veızı málimdedi. Ol eksporttaý lıtsenzııasyn berýdi 2014 jyldyń 12 qańtaryna deıin shegerdi. Sondaı-aq, bul merzimniń 2014 jyldyń 12 sáýirine deıin uzartylýy múmkin ekendigin de joqqa shyǵarmady.
Vaterloo urysynyń 200 jyldyǵy qarsańynda atalmysh jádigerdiń mańyzy zor. Ol elde 2015 jyly atap ótiledi.
Jergilikti BAQ habarlaǵandaı, ımperatordyń ómirden ótkennen keıingi betiniń kóshirme bederi 2013 jylǵy maýsymda belgisiz bireýge 208 myń eýroǵa satylǵan edi. Saýdany Bonhams bássaýda úıi ótkizdi.
