Ulybrıtanııa men Jańa Zelandııa memlekettik qyzmetshilerge TikTok paıdalanýǵa tyıym saldy
Ulybrıtanııa bıligi telefonda saqtalǵan jeke málimetterge Qytaı úkimeti qol suǵýy múmkin dep qaýiptenedi.
TikTok málimetterdi Qytaı úkimetine beredi degen aıyptaýlardy joqqa shyǵaryp otyr.
Kompanııanyń Eýropadaǵy vıtse-prezıdenti Teo Bertram bul sheshim geosaıasatqa baılanysty degen pikirde.
CNN-niń habarlaýynsha, Jańa Zelandııa da osy aıdyń aıaǵynan bastap jergilikti parlament múshelerine TikTok paıdalanýǵa tyıym salmaq.
«Kıberqaýipsizdik jónindegi mamandarymyzdyń keńesi boıynsha, Parlament músheleri men qyzmetkerlerine parlament jelisine qosylǵan barlyq quraldardan TikTok qosymshasy óshiriletini habarlandy», — dedi Jańa Zelandııa parlamenti qyzmetiniń atqarýshy dırektory Gonsales-Montero.
«Demokratııalyq mindetterin oryndaý úshin» qosymshany paıdalanatyndar úshin ruqsat berilýi múmkin ekenin aıtyp ótti.
AQSh pen Kanada kıberqaýipsizdik problemasyna baılanysty memlekettik qyzmetshilerge telefondar men gadjetterde qosymshany paıdalanýǵa tyıym salǵan bolatyn. Sońǵy jyldary álemde qosymshany paıdalanýshylar sany kúrt artty, dúnıejúzinde ony 3,5 mıllıard ret júktegen.
