Ulybrıtanııa «koronavırýs pasportyn» synaqtan ótkizbek

NUR-CULTAN. QazAqparat – Brıtanııa bıligi sáýirde pılottyq tártipte kórermendermen buqaralyq is-sharalardy ótkizýge múmkindik beretin sharalar qataryn synaýdy bastaıdy. Atap aıtqanda, aýrý týraly jazbalar, COVID-19 -ǵa qarsy vaktsınatsııa jáne PTR-dyń burys nátıjeleri jaıly málimet engiziletin «koronavırýs pasportyn» tesileıdi, dep habarlaıdy QazAqparat BBC-ge silteme jasap.

Bul júıeni synaýshylar, olardyń ishinde 40 konservator depýtat atalmysh sertıfıkattar júıesin «kemsitýshilik jáne tıimsiz» bolýy múmkin dep sanaıdy.

Depýtattardyń oılaryn jetekshi ǵalymdar qoldady. Olardyń qatarynda ınfektsııalyq aýrýlar boıynsha sarapshy Maık Tıldeslı bar. Ol kóp adamdar vaktsınatsııa ala almaı turǵan kezde, atalǵan jobany engizýge úzidi-kesildi qarsylyq tanytty.

Telegraph-tyń habarlaýynsha, «koronavırýs pasporty» tehnologııasy aldaǵy kúzge deıin daıyn bolmaýy múmkin. Brıtan Úkimeti taratqan málimetke sáıkes, ony qoldanysqa engizýge «apta emes, aılar» ketedi.

Usynylǵan jospar tek Anglııany qamtyǵanymen, úkimet bul júıeni Shotlandııa, Ýels jáne Soltústik Irlandııamen talqylaý ústinde.