Ulybrıtanııa Qazaqstan ekonomıkasyna ınvestıtsııa salatyn 6 iri ınvestordyń biri - Borıs Djonson

ASTANA. QazAqparat - Nıý-Iorkte  BUU Qaýipsizdik keńesiniń  28 sáýirde ótken otyrystary aıasynda   Qazaqstannyń Syrtqy ister mınıstri Qaırat Ábdirahmanov óziniń brıtandyq áriptesi  Borıs Djonsonmen  kezdesti.

Dıplomatııalyq vedomstvolardyń basshylary ekijaqty yntymaqtastyqty damytý perspektıvalaryn talqylady, dep habarlaıdy QR SІM baspasóz qyzmeti.

 B.Djonson - «Ulybrıtanııa Qazaqstan ekonomıkasyna ınvestıtsııa salatyn 6 iri ınvestorlardyń biri ekenin jáne ózara tıimdi is-qımyldardy odan ári keńeıtýdiń áleýeti zor ekenin» atap ótti. Osyǵan baılanysty eki memlekettiń syrtqy saıası vedomstvolary belsendi túrde júrgizip otyrǵan ekonomıkalyq dıplomatııany damytýǵa iri isker toptardy qatystyra otyryp, taıaý arada qazaqstandyq-brıtandyq bıznes-forým ótkizýge qyzyǵýshylyq bildirildi.

 Brıtanııa syrtqy ister ofısiniń basshysy EKSPO kórmesi taqyrybynyń ózektiligin ataı otyryp, óziniń oǵan qatysýǵa daıyn ekenin aıtty.

Q.Ábdirahmanov suhbattasýshyny Astana protsesiniń barysymen tanystyrdy, ony jalǵastyrýdyń mańyzdy ekenin basa aıtty. Brıtandyq áriptes Sırııa daǵdarysynyń taıaý arada sheshilýine múddeli ekenin aıtyp, Qazaqstannyń umtylysyn qoldaıtynyn jetkizdi.