Ulybrıtanııa hanshaıymy Elızaveta ІІ ómirine qastandyqtyń joly kesildi - BAQ
ASTANA. QazAqparat - Brıtandyq polıtsııa hanshaıym Elızaveta ІІ ómirine qastandyqtyń aldyn alyp, tórt ıslamshyny qolǵa túsirdi. Bul týraly The Sun basylymyna silteme jasaǵan Lenta.ru habarlady.
Basylymnyń jazýynsha, lańkester hanshaıymdy juma kúni soǵystar men qarýly janjaldar kezinde qaza tapqandarǵa arnalǵan Koroldik brıtandyq legıondy eske alý festıvali barysynda óltirmek bolǵan.
Qylmyskerler hanshaıymǵa Korol Albert-holynda pyshaq salýdy kózdegen, bul rette olarda myltyqtyń bolýy da joqqa shyǵarylmaıdy. Polıtsııa 19 ben 27 jas aralyǵyndaǵy tórt kúdikti azamatty ustady, sondaı-aq Londonnyń batys bóligi men Bakıngemshır graftyǵynda birneshe reıd ótkizdi.
Kúdiktilerdiń barlyǵy London ortalyǵyndaǵy polıtsııa bólimshesine jetkizilip, suraldy. Lańkestik áreketterdi daıyndaýda kúdikti adamdardy ustaý týraly aqparat Skotland-ıArdtyń esep berýinde habarlanady, alaıda olardyń hanshaıymǵa qastandyq jasaýǵa daıyndyǵy týraly eshteńe aıtylmaýda.
Elızaveta II men premer-mınıstr Devıd Kemeron bul keleńsiz jaǵdaı týraly aqparattandyrylǵan. Sonda da Býkıngem saraıynda hanshaıymnyń resmı sharalarǵa qatysatyndyǵy jaıly sheshim qabyldandy.
