Ulybrıtanııa ǵalymdary teri jasýshalarynan jasandy mı ósirip shyǵardy
ASTANA. QazAqparat - Ulybrıtanııada neırobıologtar teri jasýshalarynan jasandy mı ósirip shyǵardy. Jasýshalardyń mıkroskopııalyq kóshirmesi qarapaıym Petrı tabaqshasynan alyndy.
Ǵylymı jumys Kembrıdj zerthanalardyń birinde júrgizildi. Ǵylymı tájirıbe avtory - neırobıolog Medlın Lankaster.
Onyń sózine qaraǵanda, bul ıdeıa balalyq shaǵynan paıda bolǵan. Onyń ákesi de ǵalym bolǵan jáne Medlınge adam aǵzasyndaǵy neırondyq júıe týraly aıtyp bergen.
Medlın ósirip shyǵarǵan mıy sezim men túısinýge qaýqarsyz ekenin atap ótti. Alaıda, alynǵan model ǵylymǵa shızofrenııa jáne aýtızm, sonymen qatar ózge de júıkelik aýytqýshylyq problemalaryn túsinýge yqpaldasady, dep habarlady VistaNews.
