Ulybrıtanııa Eýroodaqty Brexit-ten keıin eldiń qupııa málimetteri tarap ketýine jol bermeýge shaqyrdy
ASTANA. QazAqparat - Ulybrıtanııa úkimeti Brexit-ten keıin eldiń qupııa málimetteriniń tarap ketý qaýpin boldyrmaýdy surap Eýroodaqqa júgindi. Bul jaıly dúısenbi kúni The Guardian gazeti habarlady.
Basylym málimetinshe, bul jerde sóz Ulybrıtanııanyń Brexit bastalǵanǵa deın EO-ǵa múshe eldermen kelissózder barysynda bólisken ekonomıkalyq qupııa málimetteri týraly bolýy múmkin, dep jazdy TASS.
Birikken Koroldik bıligi Eýropalyq odaqty bul málimetterdi qupııa túrde qaldyrýǵa shaqyrady. Basylym atalǵan málimdemeniń Ulybrıtanııa men Eýroodaq arasyndaǵy senimsizdiktiń ósip kele jatqandyǵyn bildiretindigin jazǵan. Buǵan deıin el úkimeti birqatar Brexit aspektileri boıynsha London pozıtsııasyn baıandaıtyn jańa qujattar jarııalaǵan bolatyn.
Qujattarda Ulybrıtanııa jáne EO arasyndaǵy taýarlar men qyzmetterdiń erkin qozǵalysyn qamtamasyz etý, sondaı-aq Brexit-ten keıin Birikken Koroldikte tarap ketpeıtin Eýropa soty quziretinen tys EO azamattarynyń quqyǵyn qamtamasyz etý máseleleri qarastyrylǵan.
