Ulybrıtanııa EO-dan referendýmnan soń 3,5 jyldan keıin resmı shyqty
LONDON. BBC - QazAqparat – Ortalyq eýropalyq ýaqyt boıynsha 31 qańtardan 1 aqpanǵa qaraǵan túni Breksıt boıynsha referendýmnan soń, 188 apta ótkennen keıin Brıtanııa resmı túrde Eýropalyq Odaqtan shyqty, dep habarlaıdy QazAqparat Bı-Bı-Sı-ge silteme jasap.
Shyǵýǵa daıyndyq London men Brıýsselde kún boıy júrdi, al Borıs Djonson brıtandyqtarǵa «ulttyq jańǵyrýǵa» ýáde berdi.
«Men muny óte durys jáne demokratııalyq sheshim dep esepteımin», - dep málimdedi premer-mınıstr Borıs Djonson juma kúni.
«Meniń oıymsha, Eýroodaq 50 jyl boıy bizdiń elimiz úshin budan bylaı sáıkes kelmeıtin baǵytta damyp keledi», - dep málimdedi premer 31 qańtarda.
Premer jańa Brıtanııa kóshi-qondy baqylaıtyn, erkin ekonomıkalyq aımaqtar quratynyn, klımattyń jahandyq ózgerýine qarsy kúresti toqtatpaıtynyn jáne túbinde qylmysty jeńetinin aıtty. EO-dan resmı shyǵý sátinde tehnıkalyq daıyndyq kúni boıy júrgizildi.
Brıýsselde Eýroparlament ǵımaratynyń janynda brıtandyq týdy alyp, ony Eýroodaq jalaýyna aýystyrdy. Eýroparlamenttiń Brıtanııadan saılanǵan músheler toby birneshe kún buryn májilis zalynan brıtandyq týdy kóterip shyqqan edi. Parlamentarıı Djonatan Býllok qaladan ketip bara jatqanda óz avtomobıliniń terezesinen «ıýnıon djekpen» (Ulybrıtanııa týy - red.) qol bulǵap ketti.
