Ulybrıtanııa elshisi Qazaqstan týraly vıdeoblog júrgizedi

ASTANA. QazAqparat - Áleýmettik jelide Ulybrıtanııanyń Qazaqstandaǵy elshisi Maık Gıffordtyń alǵashqy vıdeoblogy paıda boldy, dep habarlaıdy «QazAqparat» HAA tilshisi.

Vıdeorolık elshiniń úsh tilde amandasýynan bastalady.Ol Qazaqstanda júrgenin, kelgenine birneshe apta ǵana bolǵanyn jáne óz jumysyn elmen-jermen osylaı tanysýdan bastaǵysy kelgenin aıtady.

Aldymen Astananyń ortalyq bazaryna barǵan Maık Gıfford irimshik, talqan, qurt sııaqty qazaqtyń ulttyq taǵamdarynyń dámin tatady.

Sonymen qatar ol «Astana Opera» teatryna tań qalǵanyn aıtyp, «Toska» operasyn tamashalaǵanyn jetkizdi.

«Osy vıdeoblog arqyly sizdermen tildesip otyramyn. Eldi aralap kórip, sizderdiń mádenıetterińiz ben salt-dástúrlerińizdi eldiń tarıhyn, ádebıetin, ónerin tereńirek tanýǵa tyrysamyn. Qazaqstan bolashaǵy zor meleket, osy turǵydan alǵanda Ulybrıtanııa onyń barlyq bastamasyna qoldaý bildirýge daıyn», - dedi Maık Gıfford.