Ulybrıtanııa densaýlyq saqtaý mınıstriniń orynbasary koronavırýs juqtyrǵan
LONDON. QazAqparat - Ulybrıtanııa densaýlyq saqtaý mınıstriniń orynbasary, depýtat-konservator Nadın Dorrıske koronavırýs dıagnozy qoıyldy. Bul týraly QazAqparat VVS agenttigine silteme jasap habarlaıdy.
Dorrıs – koronavırýs juqtyrǵan parlamenttiń alǵashqy múshesi. Onyń aǵzasynan vırýs tabylǵannan keıin ol barlyq usynylǵan saqtyq sharalaryn qabyldap, úı karantıninde qaldy.
Onyń habarlamasynda Anglııanyń Qoǵamdyq densaýlyq saqtaý qyzmeti depýtatpen baılanysqa túsken adamdardy izdeý bastalǵany aıtylǵan. Dorrıs ózimen bir úıde turatyn 84 jastaǵy anasynyń densaýlyǵyna alańdaýly ekenin habarlady. Seısenbi kúni depýtattyń anasy jótelip aýyrǵan.
Densaýlyq saqtaý mınıstrligi Dorrısti aýrý belgileri beısenbi kúni paıda bolǵanyn málimdedi. Sol kúni ol premer-mınıstr uıymdastyrǵan Daýnıng-strıt sharasynda bolǵan.
Anglııanyń Qoǵamdyq densaýlyq saqtaý qyzmeti Ulybrıtanııa boıynsha barlyǵy 25 000 test jasaǵanyn aıtyp ótti.
Eske sala keteıik, Ulybrıtanııada vırýstan 6 adam kóz jumdy. Anglııada koronavırýs juqtyrǵandar sany 324 adamǵa jetti, Shotlandııada - 27, Soltústik Irlandııada - 16 jáne Ýelste 15 adam.
Syrtqy ister mınıstrligi Ulybrıtanııaǵa Italııadan kelgenderdiń barlyǵyna 14 kúnge ózin-ózi oqshaýlaýǵa keńes berdi.
British Airways Italııaǵa jáne keri qaraı ushatyn barlyq reısti 4 sáýirge deıin toqtatty jáne kompanııa qyzmetkerlerinen aqysy tólenbeıtin demalys alýlaryn surady.
