Ulybrıtanııa Chempıondar lıgasynyń fınaly nelikten keshikkenin tekserýge shaqyrdy
NUR-SULTAN. QazAqparat – Ulybrıtanııa mádenıet mınıstri Nadın Dorrıs Eýropalyq fýtbol qaýymdastyǵy odaǵyn (UEFA) Parıjdegi Chempıondar lıgasy fınalynyń nelikten keshikkenin jáne ondaǵy alasapyran sebebin resmı tekserýge shaqyrdy, dep habarlaıdy QazAqparat VVS-ge silteme jasap.
Frantsýz polıtsııasy «Real Madrıd – Lıverpýl» matchynda aǵylshyn jankúıerlerge qarsy kózden jas aǵyzatyn gaz ben burysh spreıin qoldanǵany úshin synǵa ushyrady.
Frantsııanyń ishki ister mınıstri Jerald Darmanen brıtanııalyq fýtbol fanattaryna kiná artyp, myńdaǵan adamnyń bıletsiz «Stad de Frans» frantsýz stadıonyna basa-kóktep kirgenin atap ótti.
Polıtsııa 105 adamdy ustady. UEFA ókilderi óz kezeginde matchtyń keshigý sebebin «qaýipsizdik maqsatymen» jáne brıtandyq jankúıerlerdiń jalǵan bılet satyp alýy boıynsha «kesh kelgenimen» túsindirdi. Osyǵan baılanysty týrnıketter buǵattalyp, myńdaǵan adam uzaq ýaqyt boıy kezekte turyp qalǵan.
