Ulybrıtanııa biliktiligi tómen ımmıgranttarǵa jumys vızasyn bermeıtin boldy
NUR-SULTAN. QazAqparat - Breksıtten keıin Ulybrıtanııa biliktiligi tómen qyzmetkerlerdi memleketke jumys isteýge kirgizbeıtin boldy, dep habarlaıdy QazAqparat VVS-ge silteme jasap.
Ulybrıtanııa úkimeti jumys berýshilerge «arzan jumys kúshinen» bas tartyp, avtomattandyrý tehnologııalaryn damytý men qyzmetkerlerdi saqtap qalýǵa ınvestıtsııa quıýǵa shaqyrdy.
Іshki ister mınıstrligi Eýroodaq pen basqa memleket azamattary 31 jeltoqsannan keıin teń quqyqta bolatynyn málimdedi. Leıborıster bul sheshim qyzmetkerlerdi tartýǵa kedergi keltiretinin aıtty. Al Іshki ister mınıstri Prıtı Pateldiń aıtýynsha, úkimet kerisinshe talantty adamdarǵa qoldaý kórsetip, Ulybrıtanııaǵa keletin biliktiligi tómen qyzmetkerlerdiń qataryn azaıtýdy qalaıtynyn málimdedi.
VVS-diń jazýynsha, Ulybrıtanııada «ekonomıkalyq belsendiligi» joq 8 mln adam bar jáne kásiporyndar qajet jaǵdaıda solardy jumysqa tarta alady.
Úkimet ókilderiniń habarlaýynsha, jańa ımmıgratsııalyq júıe baldyq júıege negizdeletin bolady. Soǵan sáıkes Ulybrıtanııada jumys istegisi keletin azamattar keminde 70 ball jınaýy kerek.
