Ulybrıtanııa ben Ladendi ustaýǵa kómektespek bolǵan aýǵan komandırine 2 mıllıon dollar tólegen
ASTANA. Qańtardyń 10-y. QazAqparat - Ulybrıtanııa 2001 jyly «Ál-Kaıeda» jetekshisi Ýsama ben Ladendi ustaý jónindegi operatsııa kezinde aýǵannyń dala komandıri Qajy Zaman Gamsýrekke 2 mıllıon dollar tólegen.
Bul týraly amerıkandyq arnaýly jasaqtyń komandıri Delton Fıýrıge silteme jasap brıtandyq VVS telekompanııasy habarlady.
Delton Fıýrıdiń aıtýynsha, amerıkandyqtar da, brıtandyqtar da Tora-Bora taýlarynda jasyrynyp júrgen ben Ladendi ustaýǵa kómektesedi degen oımen aýǵandyq dala komandırlerine úlken soma aqsha tólep otyrǵan. Biraq, ben Laden áli kúnge sheıin qolǵa túspeı otyr.
Birqatar sarapshylardyń paıymdaýynsha, dala komandırlerine «Ál-Kaıeda» da aqsha tólegen, sondyqtan da olar AQSh pen Ulybrıtanııa ókilderinen syılyq alyp qoıǵandaryna qaramastan, lańkeske esh kedergisiz qashyp ketýge múmkindik bergen.
«Onyń jasaqtaryn «jaldaý» úshin general Háziret Álıge 4 mıllıon dollar tólengen. Al Brıtan Koroldigi qoldaǵan Qajy Zaman Gamsýrek 2 mıllıon dollar syıaqy alǵan», dep habarlady amerıkandyq komandır.
Ulybrıtanııanyń syrtqy ister mınıstrligindegiler barlaý qyzmetiniń áreketine qatysty málimdemeler men aqparattarǵa ádette túsinik bermeıtinderin alǵa tartyp, bul málimetke qatysty qandaı da bir túsinik berýden bas tartyp otyr.
