Ulybrıtanııa azamatynyń eki qolyn aýystyryp salǵan
Stıven 48 jasta. 13 jyl buryn ol úı tóbesin jabatyn shatyrshy bolyp jumys istep, úsh balasyn asyraǵan. Kenet qatty syrqattanyp, betinde bórtpe paıda bolǵan, al oń qoly solqyldap aýyra bergen.
Alǵashqyda dárigerler júıeli qyzyl jegi (lıýpýs) dep dıagnoz qoıǵan. Keıin dárigerler nevrologııalyq aýrý belgilerin baıqap, bilek kanaldary sındromy dep oılaǵan jáne Stıvenge ota jasaǵan.
Biraq, eki qoly taǵy aýyryp, jańa maman odan sklerodermııa aýtoımmýndyq aýrýyn tapqan. Sonyń saldarynan onyń terisinde jáne ishki organdarynda tyrtyq paıda bolǵan.
Jeti jyl buryn Stıvenniń saýsaqtary ishke qaraı maıysyp, judyryǵyn túıe almaıtyn dárejege jetken. Ol qatty aýyrǵanyn esine alady.
«Meniń alaqanym búgilmeı qaldy, bir sátte qolymnyń ornynda tek judyryq qaldy. Eshteńe isteı almaı qaldym. Ózim kıine almadym, qandaı da bir zatty kótere almaı qaldym», - dep bólisti Stıven.
Shotlandııanyń Dregorn aýylynda turatyn Stıven kásibı jumysyn tastaýǵa májbúr boldy. Qazir onyń úsh qyzy 12, 24, 27 jasta.
Dárigerler ony glazgolyq plastıkalyq hırýrgııa mamany professor Endrıý Hartqa jibergen. Ol qol býynyn aýystyryp ornalastyrý múmkin ekenin aıtqan.
Hart pen taǵy bir plastıkalyq hırýrgııa mamany, professor Saımon Keı Stıvenge otamen baılanysty qandaı qaýip bolatynyn túsindirgen.
Ol jubaıymen aqyldasyp, keıin psıhologııalyq saraptamadan ótken.
Hırýrg Saımon Keı Ulybrıtanııada alǵash bolyp 2016 jyly eki qol býynyn aýystyryp ornalastyrý boıynsha ota jasaǵan. Stıven eki qolyn aýystyryp salǵan sklerodermııaǵa shaldyqqan álemdegi alǵashqy naýqas atandy.
Otaǵa túrli saladaǵy 30 maman qatysty. Ota 2021 jyly jeltoqsanda Lıdste ótip, 12 saǵatqa sozylǵan.
«Otadan keıin basqa álemde júrgendeı oıandym. Bári tez ótti. Oıana salyp qoldarymdy qımyldata aldym», - deıdi Stıven.