Ulybrıtanııa azamaty astanalyq polıtseılerge ne úshin alǵys aıtty
ASTANA. QazAqparat - Ulybrıtanııa azamaty Robert Dýglas Sım «Esil» aýdany polıtsııa basqarmasynyń qyzmetkerlerine saýda ortalyǵynda joǵaltyp alǵan jeke zattary men qujattaryn tez arada taýyp bergenderi úshin alǵys aıtty, dep habarlaıdy QazAqparat Astana polıtsııa departamentiniń baspasóz qyzmetine silteme jasap.
Sheteldik óz alǵysyn QR ІІM basshylyǵy men Astana polıtsııa departamentine jazǵan hatynda bildirgen.
«Men polıtseılerdiń jumysy qıyn ekenin bilem, biraq polıtsııa qyzmetkerleriniń meniń máselemdi jyldam sheship bergenine qaıran qaldym», - dep jazdy Robert Dýglas Sım.
Hat avtory polıtsııa qyzmetkerleri polıtsııa maıory Vladımır Ysmaǵulovqa, polıtsııa kapıtany Rasýl Dálige jáne aǵa leıtenant Nurlan Smatovqa rahmet aıtty. Polıtsııa vedomstvosynyń basshylyǵyna qyzmettik mindetterin adal atqaryp, azamattardyń ótinishine der kezinde jaýap qatqandary úshin alǵys jarııalandy.
