Ulybrıtanııa aýmaǵynan 5 mlrd jyldyq meteorıt tabyldy
Bul aspan denesi 28 aqpanda aǵylshyn aspanyn jaryqtandyrdy, bul ǵalymdarǵa onyń qulaý aımaǵyn dál esepteýge jáne jergilikti turǵyndardy ony izdeýge shaqyrýǵa múmkindik berdi.
Glostershır grafyndaǵy Ýınchkomb qalashyǵynyń turǵyny ǵaıyptan paıda bolǵan aspan denesin óz úıiniń tabaldyryǵynan tapty.
«Bul kómirtekti hondrıt dep atalady. Bul bizdiń kún júıemizdiń paıda bolýyna qatysqanyn bildiredi. Osy tasqa 4 mıllıard 600 mıllıon jyl bolǵan. Ol kún júıesi endi qalyptasyp jatqan kezde bolǵan zattardan turady. Olardan asteroıdtar, kometalar, planetalar, sonyń ishinde Jer paıda boldy», – dep túsindiredi Londondaǵy Tabıǵat tarıhy murajaıynyń ǵylymı qyzmetkeri Eshlı Kıng.
Ýınchkomb meteorıtiniń taǵy bir bóligi qalaǵa irgeles Lahlan Bond fermasynyń órisinen tabyldy:
«Eger ol bizge ótkendi jaryqqa shyǵarýǵa azdap kómektesetin bolsa, onda onyń bizdiń jerimizden tabylǵanyn aıtý óte tamasha».
Meteorıt qulaǵanǵa deıin birneshe bólikke bólingen bolýy múmkin, sondyqtan ǵalymdar okrýg turǵyndaryn ony izdeýdi jalǵastyrýǵa shaqyrady.
