Uly Jibek jolynyń taǵy bir qupııasy ashyldy
ASTANA. QazAqparat - Ǵalymdar Uly Jibek jolynyń buryn belgisiz bolyp kelgen bóligin tapty. Eń ejelgi saýda-sattyq jolynyń bir bóligi Tıbettiń bıik taýlary arqyly ótken, dep habarlaıdy epochtimes.ru.
Arheologtar bul bólikti Tıbettiń Ngarı prefektýrasynda júrgizgen qazba jumystary kezinde anyqtaǵan. Al soǵan deıin bul jerden shamamen 1800 jyl buryn salynǵan zırattar tabylǵan edi. Zertteýshiler júrgizgen arheologııalyq qazba jumystary barysynda kóptegen qytaılyq taýarlardyń qaldyqtary shyqty. Jádigerler arasynda qytaılyq ıeroglıfter salynǵan ádemi jibek matasynyń jyrtystary, qospasyz taza altynnan quıylǵan betperde, sondaı-aq keramıkalyq jáne qola ydys-aıaq bar. Jádigerler arasynan sháı ósimdiginiń búrshikteri tabyldy, dep habarlaıdy 24.kz. Jalpy Tıbet jerinen tabylǵan sháı qaldyqtary sonaý VII ǵasyrǵa qatysty bolady. Al Ngarı prefektýrasynan anyqtalǵan bul búrshikter odan 3-4 ǵasyr buryn ósirilgen sháıdiki bolyp shyqty. Artynsha Beıjińdegi Geologııa jáne geofızıka akademııasynyń ǵalymdary bul sháıdi saraptamadan ótkizdi. Sol kezde sháıdiń Tıbette emes, Qytaıdyń ıÝnnan provıntsııasynan ekendigi belgili boldy. Sáıkesinshe, Qytaıdan shyǵyp, Uly Jibek jolynyń boıyna túsken kerýender Tıbet arqyly ótip otyrǵan. «ıAǵnı taýlar artynyp-tartynǵan kerýender men olardyń ıeleri úshin eshbir kedergi bolmaǵan», - deıdi Garvard ýnıversıtetiniń arheology Roýen Fled.
