«Uly Jibek Jolyndaǵy» elderdi damytý úshin Infraqurylymdyq ınvestıtsııalardyń Azııalyq banki qurylady - QR Prezıdenti

ASTANA. QazAqparat - Infraqurylymdyq ınvestıtsııalardyń Azııalyq banki qurylady. Bul týraly búgin VII Astana ekonomıkalyq forýmy men Daǵdarysqa qarsy II dúnıejúzilik konferentsııasynyń plenarlyq otyrysynda Memleket basshysy Nursultan Nazarbaev málim etti.

Azııadaǵy ózara is-qımyl jáne senim sharalary keńesiniń 4-shi sammıti jaqynda Shanhaıda ótkenin eske salyp ótken Memleket basshysy, «AÓSShK-ge qatysýshy 26 memleket Azııany damytýdyń jańa tujyrymdamasy boıynsha Qytaıdyń bastamasyn qoldady. «Uly Jibek Jolyn» jandandyrýshy elderdi damytý úshin Infraqurylymdyq ınvestıtsııalardyń Azııalyq banki qurylýda»,-dedi Memleket basshysy.

Prezıdent Qazaqstan geografııalyq-tarıhı turǵyda Qytaı men Reseı sekildi geosaıası alyptar arasynda ornalasqanyn, sondaı-aq barlyq kórshiles memlekettermen dostyq qarym-qatynas negizinde teńgermeli kópvektorly baǵytty ustanatyndyǵyn atap ótti. «Bizden ony kútpese de, kóp konfessııaly, kóp etnıkalyq qoǵamda beıbitshilik pen kelisimdi saqtap qaldyq»,-dep túıdi N. Nazarbaev.