Uly Jibek jolymen ótetin týrıstik baǵdarlama ázirlenip jatyr
«Jańa Uly Jibek joly» halyqaralyq ekspedıtsııasyn jasaqtaı otyryp, bul ekspedıtsııanyń barynsha kıeli de qasıetti óńirlerdi, ejelgi eskertkishterdi tamashalap ótetindeı jaǵdaıdy eskerdik. «Kazakh Tourism» qazirgi ýaqytta baǵdarlama jasap jatyr. Aldaǵy jyly biz áıgili jıhangez ıAtsek Palkevıchpen birge ony tanystyramyz. Osy baǵdarlamanyń bazasy boıynsha Ózbekstandaǵy, Qyrǵyzstandaǵy, Reseıdegi áriptesterimizben ultaralyq týrıstik ónimderdi ázirleıtin bolamyz. Sebebi, Ózbekstan arqyly Qazaqstannyń da týrızmin damytýdy kózdep otyrmyz», - deıdi «Kazakh Tourism» Ulttyq kompanııasy» AQ basqarma tóraǵasynyń orynbasary Tımýr Dúısenǵalıev OKQ-da ótken baspasóz máslıhatynda.
Tımýr Dúısenǵalıev óz sózinde Ózbekstandaǵy kóptegen tarıhı eskertkishter Ámir Temirdiń arqasynda saqtalyp qalǵanyn aıtady.
«Al Qazaqstanda ókinishke qaraı, kóptegen eskertkishter joıylyp, oryny ǵana qalǵan. Biraq, bizde kóshpendilerden qalǵan baı mádenıet bar. Sózsiz, kıeli de qasıetti jerler de jeterlik. Halyq burynǵy nanym-senimmen ol jerlerge táý etedi. ıAtsek júrip ótetin joldy biz týrıstik baǵdarǵa aınaldyryp, Qazaqstannyń ishine de, syrtqy elderge de tanymal etkimiz keledi. Oılap qarasańyz, sonaý Mańǵystaýdaǵy halyq Shyǵys Qazaqstannyń kórkem tabıǵatyn ómiri kórmeýi múmkin. Sondyqtan, barlyq múmkindikterdi paıdalanǵan jón. Osy rette ıAtsek Palkevıchtiń álemdik abyroı-ataǵy bizdiń týrızmniń damýyna oń serpin berýi kerek», - deıdi ol.
Eske sala ketsek, 2018 jyly sáýir aıynda Qytaıdan attanyp, maýsymda Polshada máresine jetetin «Jańa Uly Jibek joly» halyqaralyq ekspedıtsııasy Qazaqstannyń kıeli jerlerin basyp ótýdi josparlap otyr. Ekspedıtsııany QR Mádenıet jáne sport mınıstrliginiń qoldaýymen júzege asyrylmaq. Ekspedıtsııanyń jetekshisi - álemge áıgili jıhangez ıAtsek Palkevıch.
