«Uly Jibek joly» jobasynyń aıasynda Venada qazaqstandyq sýretshilerdiń týyndylary tanystyrylady
VENA. Tamyzdyń 5-i. QazAqparat /Tımýr Bekturǵanov/ - Tamyzdyń 9-y men qyrkúıektiń 9-y aralyǵynda Venadaǵy Palfı saraıynda «Uly Jibek joly» jobasynyń aıasynda qazaqstandyq restavrator-sýretshi Qyrym Altynbekovtyń arheologııalyq jańartylǵan jádigerleri men shyǵarmashylyq týyndylary,
sondaı-aq Qazaqstannyń qazirgi zamanǵy sýretshileriniń kóshpeli kórmesi tanystyrylady.
Kórmege qoıylatyn jumystardyń qatarynda Q.Altynbekov restavratsııalaǵan bizdiń dáýirimizge deıingi V-III ǵasyrlardaǵy skıf-saq dáýiriniń jádigerlerin qamtıtyn «Uly Dala óneri» toptamasy bar. Q.Altynbekovtyń kórmesi buǵan deıin Pragada, Los-Anjeleste, Vashıngtonda, Máskeý men Ystambulda ótip, joǵary baǵaǵa ıe boldy.
Kórmeniń ekinshi bólimine qazaqstandyq zamanaýı sýretshilerdiń týyndylarynan turatyn «Nas Sanat» galereıasynyń kóshpeli kollektsııasy kiredi.
