«Uly Jibek joly» Halyqaralyq jastar birlestigi músheleriniń I Keńesi ótedi

ASTANA. 26 qarasha. QazAqparat - 30 qarashada «Uly Jibek joly» Halyqaralyq jastar birlestigi músheleriniń I Keńesi ótkiziledi.

Bul týraly búgin   Astanada ótken brıfıngte QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev málim etti.

«Atalǵan is-sharaǵa Azııa, Afrıka jáne Eýropanyń 25 memleketiniń ókilderi mádenı-gýmanıtarlyq ıntegratsııany keńeıtý, mádenıetaralyq únqatysýdy damytý men nyǵaıtý múmkindikterin qarastyrady»,-dedi resmı ókil.

Májilis aıasynda Jibek jolymen tarıhı turǵyda baılanysqan barlyq elderdi biryńǵaı jastar platformasyna biriktirý maqsatynda múshe-elder sanyn keńeıtý maqsaty kózdelgen. Birlestiktiń teńquqyly múshesi bolyp tabylatyn árbir elde jergilikti ókildikter qurý jospary da bar.