Uly Jeńistiń qadir-qasıetin este saqtap, óskeleń urpaqqa amanat etý bizdiń perzenttik boryshymyz - Ahmetjan Esimov
Almaty qalasynyń ákimi Ahmetjan Esimov búgin 28 panfılovshy-gvardııashylar saıabaǵyndaǵy Máńgilik alaý janyndaǵy Uly Jeńistiń 67 jyldyǵyna arnalǵan merekelik sharanyń ashylý rásiminde osylaı aıtty.
«Bul barlyǵymyz úshin qasıetti de qasterli kún. Álemdi jaıpaǵan sum soǵysta ot pen oqtyń arasynan aman ótip, Jeńis týyn jelbiretken sizder qandaı qurmetke bolsa da laıyqsyzdar. Endeshe, bul Jeńistiń qadir-qasıetin este saqtap, óskeleń urpaqqa amanat etý bizdiń perzenttik boryshymyz», - dedi A.Smaǵululy.
Shahar basshysynyń aıtýynsha, Uly Jeńis týy jelbiregeli 67 jyl ótti. Odan beri kóptegen ózgerister boldy. Eń negizgisi, Otanymyz ǵasyrlar boıy ańsaǵan táýelsizdikke qol jetkizdi. Búginde beıbit jolmen damyp qaryshtaǵan elimizdi búkil álem moıyndap otyr. Búginde álemdegi eń ozyq qarý-jaraqtarmen qarýlanǵan, qýatty qorǵanys kúshine aınalǵan áskerimizge 20 jyl tolyp otyr. Osy eki merekeniń qatar kelýin urpaqqa uran bolǵan uly rýhtyń jalǵasy dep qabyldaý kerek. Merekeler qarsańynda Elbasy Nursultan Nazarbaevtyń Úkimetke bergen tapsyrmasyna sáıkes, Parlamentimiz aldaǵy ýaqytta zańǵa ózgertýler engizip, 7 mamyrdy memlekettik mereke dep belgileıtin bolady.
