Uly Jeńistiń 70 jyldyǵyna oraı elordalyq ardagerler biryńǵaı kıim formasymen qamtamasyz etiledi

ASTANA. QazAqparat - Qazaqstan Respýblıkasy Úkimetiniń «Qazaqstan Respýblıkasynda 1941 - 1945 jyldardaǵy Uly Otan soǵysyndaǵy Jeńistiń 70 jyldyǵyn merekeleýge daıyndyq jáne ony ótkizý jónindegi is-sharalar josparyn bekitý týraly» 2014 jylǵy 16 qazandaǵy № 1105 qaýlysynyń 23-tarmaǵyna sáıkes soǵys ardagerleri jergilikti bıýdjet qarajaty esebinen biryńǵaı kıim formasymen qamtamasyz etiletin bolady.

Kıim jıyntyǵyna sur tústi kostıým, sur tústi palto (plaş), ashyq kógildir tústi beret pen galstýk, aq tústi jeıde, qara tústi aıaq kıim kiredi. Budan bólek, Uly Jeńistiń 70 jyldyǵy qurmetine bir jolǵy materıaldyq kómek tóleý qarastyrylǵan. Búgingi kúni barlyǵy 5 myń adam áleýmettik kómekpen qamtyldy, sonyń ishinde UOS ardagerleri, tyl eńbekkerleri, sondaı-aq, Uly Otan soǵysy ardagerlerine teńestirilgen tulǵalar.

Sonymen birge, Jeńis kúnine oraı dári-dármekterge 2577 teńge mólsherinde bir rettik tólemaqy, Aqmola oblysy Býrabaı aýdany Qatarkól aýyly Qatarkól kóliniń sol jaǵalaýynda ornalasqan qarttarǵa, múgedekterge jáne múgedek balalarǵa arnalǵan qalpyna keltirý ortalyǵynda 50% jeńildikpen sanatorııalyq-kýrorttyq em alý qarastyrylǵan. Mekemede usynylatyn qyzmetter (14 kún): jatyn orny, bekitilgen tamaqtaný normasyna sáıkes kúnine 5 ret tamaqtaný, EDSh, gıdroterapııa qyzmetteri, túrli vanna protsedýralary, mádenı-demalys qyzmetteri, emdeý massajy. Qosymsha aqyly qyzmetter kórsetilýi múmkin: tuz bólmesi, fıtobóshkeler, sazben emdeý, parafın-ozekerıttik emdeý, dep jazylǵan elorda ákimdiginiń resmı saıtynda.