Uly Jeńistiń 70 jyldyǵyna oraı ardagerler uıymdary men birlestikteri uıymdastyrý komıtetin qurdy
ALMATY. 17 shilde. QazAqparat - Búgin Almatyda ardagerler uıymdary men birlestikteriniń «Mindet» uıymdastyrý komıteti 1941-1945 jyldardaǵy Uly Otan soǵysy jeńisiniń 70 jyldyǵyna oraı Úkimetke, Parlamentke jáne jurtshylyqqa úndeý joldady.
«Ardagerler keńesi» respýblıkalyq qoǵamdyq birlestiginiń tóraǵasy, ádilet general-maıory Rústem Qaıdarovtyń aıtýynsha, «Mindet» dep atalatyn ardagerler uıymdary men birlestikteriniń respýblıkalyq uıymdastyrý komıteti 13 shilde kúni qurylǵan. Ol 2015 jyly 70 jyl tolǵaly otyrǵan Uly Jeńis kúnin laıyqty atap ótýge arnalyp otyr. Uıymdastyrý komıtetin Generaldar keńesi, Uly Otan soǵysy ardagerleri, aýǵan soǵysy jáne ózge de qaqtyǵystarǵa qatysýshylardyń úılestirý ortalyǵy, 52 ardagerler uıymdarynyń birlestigi, Qorǵanys, Іshki ister mınıstrlikteri, Ulttyq qaýipsizdik komıteti, Prokýratýra, Shekara jáne Іshki áskerler ardagerler birlestikteri quryp otyr. Maqsat - «Eshkim de umytylǵan joq, eshnárse de umytylmaıdy!» degen qanatty sózdi jańǵyrtý arqyly tarıhty jańǵyrtý. Batyrlardy ulyqtaı otyryp, jastardy otanshyldyq rýhta tárbıeleýge yqpal etý.
