Uly Jeńistiń 70 jyldyǵy paradyna qatystyrylatyn tanymal T-34 tanki jóndeýden ótti
«Qazir Astana mańyndaǵy Qyrqynshy stansada ornalasqan 36-shy desanttyq-shabýyl brıgadasynyń áskerı paradqa daıyndap jatqan lagerindemiz. Bul sherýge qatysýshy jaýyngerler úshin 150 shatyr quryldy. Jalpy sherýge qatysýshy ofıtserler men sarbazdardyń sany 4 797 adam. 26 naýryzǵa deıin osy jerde barlyq sarbazdar tolyq jasaqtalady. 1 sáýirden bastap úlken jattyǵý sharalary bastalady», - dedi ol.
Belgili bolǵandaı, bul ataýly sharaǵa 220-dan astam áskerı tehnıka men 85 ushaqtar men tikushaqtar qatystyrylady.
«Bul sherýdiń ereksheligi - qazirgi zamanǵy áskerı aýyr tehnıkamen qatar, Uly Otan soǵysy kezindegi áskerı tehnıkalar tartylady», - dedi J. Hasenov.
Atap aıtqanda, sherý mazmundyq turǵyda tarıhı jáne zamanaýı bolyp eki bólimnen turady. Tarıhı bólimde UOS ýaqytyndaǵy áskerı tehnıkalardyń 36 úlgisi qamtylady. ıAǵnı, soǵys kezinde maıdanda keńinen qoldanylǵan T-34 tankileri, ZIS-2 zeńbirekti jáne M-30 gaýbıtsaly ZıL-157, tanymal BM-13 RS-30 «Katıýsha» jáne «Maksım» pýlemeti kópshilik nazaryna usynylady.
«Soǵys jyldaryndaǵy tehnıkalar elimizdiń aýmaǵynda rezervtegi qoımalardan jetkizildi. Al T-34 tankisi eskertkish retinde saqtalǵan bolatyn. Osy oraıda bul tankiler «Semeı ınjınırıng» kásipornynda jóndeýden ótkizilip, qalpyna keltirildi», - dep atap ótti QR QK Qurlyq áskerleri bas qolbasshysynyń orynbasary.
