ULY JEŃІSKE 70 JYL: Jeńiske jeter aldynda qaza tapqan maıdanger Qasym Ahmetov
Qasym Ahmetov Qostanaı oblysynyń Meńdiǵara aýdanynyń Tóleńgit aýylynda 1917 jyly týǵan, 1939 jyldyń qyrkúıeginde armııa qataryna alyndy. Ol Zlotoýstaǵy áskerı bólimshede áskerı daıyndyqtan ótkennen keıin Fın soǵysyna qatysty, keıin Uly Otan úshin maıdanda shaıqasty.
Muraǵat málimetteri áskerı qyzmetshiniń kóptegen shabýyldy urystarda erlikpen shaıqasqanyn, birneshe márte óziniń qarýlas joldastarymen jaý qorshaýynda qalǵanyn rastady.
1943 jyldyń shilde aıyndaǵy osyndaı urystardyń birinde qarsha boraǵan artıllerııa men zeńbirek oǵy astynan ol birinshi bolyp turyp «Otan úshin», «Stalın úshin» degen uranmen rotany rýhtandyryp shabýylǵa shyqty. Óziniń batyrlyǵymen Q.Ahmetov nemis toptaryn talqandaýǵa jáne barlyq shabýyldy operatsııalardy údetýge yqpal etti.
Urystarda kórsetken erligi men batyrlyǵy úshin kishi serjant Qasym Ahmetov І dárejeli «1941-1945 jj. Uly Otan soǵysy», «Qyzyl juldyz», ІІІ dárejeli «Dańq» ordenderimen nagradtalǵan. 1943 jyldyń jeltoqsan aıynda 41 atqyshtar dıvızıony 244 atqyshtar polki ekinshi atqyshtar rotasynyń bólimshe komandıri laýazymyndaǵy jaýyngerdi Keńester Odaǵynyń batyry ataǵyna usynǵan edi.
1945 jyldyń 16 sáýirindegi shaıqasta, Jeńis kúnine úsh aptadan sál artyq ýaqyt qalǵanda 1945 jyldyń sáýirinde avtomatshylar vzvodynyń komandıri bolǵan jaýynger Berlın túbindegi urystardyń birinde qaza tapty. Ol Germanııadaǵy Brandenbýrg jerinde Oderedegi Frankfýrt okrýgynda Lebýs eldi mekeninde jerlendi.
