ULY JEŃІS: Ardagerlerge taǵzym! (fotoreportaj)

TARAZ. QazAqparat - 69 jyl boıy álem sum soǵysty esten shyǵarmaı keledi... Beıbit elge qatygez jaýdyń qalaı basa-kóktep kirgeni, qalalardy órtke oraǵan bombalar jarylysy, zeńbirektiń jan túrshiktirer aşy úni, balǵyn jas jigitter men qyzdar tankige qarsy atoılap shyǵyp, okoptarda úsip qalǵany, Otan úshin jandaryn qurbandyqqa shalǵandary áli de kúni keshegideı kóz aldymyzda. Jeńis ońaılyqpen kelgen joq. Burynǵy KSRO-nyń júzdegen halqy Eýropanyń jartysyn sharlap, jaýdy óz uıasynda oısyrata jeńdi.

Bul kún - keńes halqynyń erjúrektiligi men tózimdiliginpash etetin, tarıhta máńgilik qalatyn kún. Ardagerler de kún sanap azaıyp barady. Olardyń beınesin jadymyzda saqtaýymyz qajet. Surapyl soǵystyń sumdyq jaǵdaılarynyń kýási bolsa da, adamdarǵa degen sheksiz meıirimin saqtap, boılaryndaǵy adamgershilik qasıeti tereń, adal júrekti jandardy máńgi úlgi tuta bileıik.

Búgin, Uly Jeńis kúninde barlyq ardagerlerge bas ıip, taǵzym eteıik. Solardyń arqasynda Jeńiske jettik, qýanysh, baqytqa bólenip, tynyshtyqta ómir súrýdemiz. Beıbit kúnniń bizge analardyń jasymen, babalardyń qanymen kelgenin umytpaıyq.