Uly Jeńis aǵa urpaqtyń erligin máńgilik el jadynda saqtaýǵa arnalǵan eń qasterli mereke - mınıstr J.Túımebaev

/strong>Sáýirdiń 30-y. QazAqparat / Ádilet Musahaev / - Ekinshi dúnıejúzilik soǵys adamzat ómirindegi tragedııalyq oqıǵa boldy. Bul jaıynda búgin QR Bilim jáne ǵylym mınıstri Janseıit Túımebaev Uly Jeńistiń 65-jyldyǵyna arnalǵan QazUÝ-degi merekelik shara barysynda aıtty,

dep habarlaıdy QazAqparat.

«Uly Otan soǵysynda negizgi aýyrtpashylyqty Keńester Odaǵynyń halqy men jaýyngerleri kóterdi. Qazaqstan halqy da maıdandaǵy jeńiske óziniń qomaqty úlesin qosty. Otan soǵysy bizdiń halqymyzdyń, aǵa býyn ókilderiniń bıik rýhyn, erligi men batyrlyǵyn kúlli álemge tanytqan soǵys bolsa, Uly Jeńis aǵa urpaqtyń sol erligin máńgilik el jadynda saqtaýǵa arnalǵan eń qasterli mereke. Eger sizderdiń sol surapyl soǵystaǵy jeńisterińiz bolmasa, búgin jarqyn bolashaqqa batyl qadam jasaǵan Táýelsiz Qazaqstan da bolmas edi. Sondyqtan Uly Jeńistiń 65 jyldyq merekesi qarsańynda, sol Jeńisti jaqyndatqan barsha ardagerler aldynda basymyzdy ıip, osy aıtýly merekemen shyn júrekten quttyqtaǵym keledi», dedi J. Túımebaev.