Ýly sút isi boıynsha Qytaıda 96 adam tutqyndaldy
ASTANA. 14 qańtar. QazAqparat - Qytaı polıtseıleri quramynda melamın hımııalyq qospasy bar sút ónimderin taralymǵa shyǵarǵany úshin kúdiktiler qatarynda tanylǵan 96 adamdy tutqynǵa aldy, dep habarlaıdy Bı-Bı-Sı agenttigi. Ázirge istiń búge-shigesi naqty aıtylmaıdy.
2008 jyly Qytaıda osy máselege baılanysty janjal ýshyǵyp ketti. Bul alty bala ýly sútti iship, shetinegennen keıin bolǵan oqıǵa edi. 2009 jyldyń qarasha aıynda Qytaıda quramynda melamıni bar sút untaǵyn satqany úshin sút óndirisiniń eki qyzmetkeri ólim jazasyna kesilgen bolatyn.
Melamın - plastık óndirisi salasynda qoldanylatyn ýly zat. Ol adam aǵzasynda tas jınap, búırekti zaqymdaıdy.
