Uly saıasatkerdiń parasatty qadamy - Dáýren Abaev Nursultan Nazarbaevtyń ókilettiligin toqtatýy týraly

ASTANA. QazAqparat - Aqparat jáne qoǵamdyq damý mınıstri Dáýren Abaev Nursultan Nazarbaevtyń prezıdenttik ókilettigin toqtatýy týraly óz pikirin bildirdi, dep xabarlaıdy QazAqparat tilshisi.

"Biz Uly saıasatkerdiń dana qadamynyń kýási boldyq. Ol bir ǵana qoltańbasyn qoıa otyryp tarıxty jazdy desem, artyq aıtpaspyn. Nursultan Nazarbaevtyń prezıdenttik ókilettiligi - orasan zor saıası mura", - dedi mınıstr "Habar" telearnasyndaǵy "Ashyq dıalog" baǵdarlamasynda.

Onyń aıtýynsha, Elbasynyń kezinde jańa qazaqstandyq memlekettiliktiń negizi qalandy, bizdiń Konstıtýtsııamyzdy qabyldaýdan bastap múldem jańa Elordany salýǵa deıingi barlyq taǵdyrsheshti qadamdar jasaldy.

"Endi bul mura órkenıetti, beıbit jáne bılik ókilettikteriniń birqalypty berilýimen aıaqtaldy. Meniń oıymsha, bizge, bolashaq urpaq úshin bul Tuńǵysh Prezıdenttiń Táýelsizdigimizdi saqtap, qazaq jerindegi beıbitshilikti, birlik pen kelisimdi saqtaýymyz kerek dep qaldyrǵan ósıeti. Al bolashaq bıleýshilerdiń kez kelgen qadamy tek ulttyq múddelerdi anyqtaýy tıis", - dedi Dáýren Abaev.

Esterińizge sala keteıik, 19 naýryzda Nursultan Nazarbaev el Prezıdenti retinde ókilettigin toqtatqany týraly habarlaǵan bolatyn.

QR Konstıtýtsııasyna sáıkes, QR Parlamenti Senatyn basqarǵan Qasym-Jomart Toqaevqa el basqarý ókilettigi berildi.