«Uly Otan soǵysynyń uly shaıqastary» kitaby jaryq kórdi

ASTANA. Sáýirdiń 21-i. QazAqparat /Arman Asqarov/ - Búgin Lev Gýmılev atyndaǵy Eýrazııa ulttyq ýnıversıtetinde «Uly Otan soǵysynyń uly shaıqastary» atty avtorlyq eńbektiń tanystyrylymy boldy,

dep habarlaıdy QazAqparat.

Kitaptyń retsenzenti Ǵadilbek Shalahmetovtyń aıtýynsha, bul eńbekte alǵash ret Uly Otan soǵysyna qatysty eki jaqtyń da qujattamalyq derekteri paıdalynylǵan. «Máselen, «Barbarossa» josparyna qatysty Keńester Odaǵynyń qujattary ǵana emes, sol kezdegi fashısterdiń qupııa derekteri de bar. Sondaı-aq munda eki jaqtyń foto qujattary kóptep jınaqtalǵan. Bir aıta keter jáıt, osy ispetti eńbekti jazý kezinde qazaq jaýyngerleriniń erlik isterine basa nazar aýdarǵan jón», - deıdi retsenzent.

«Uly Otan soǵysynyń uly shaıqastary» kitabynyń avtorlary - Muhtar Nazarbaev pen Valerıı Sledenko. Búgin atalǵan eńbektiń 6 danasy Eýrazııa ulttyq ýnıversıtetiniń kitaphanasyna tapsyryldy.