05:01, 24 Sáýir 2015 | GMT +6
ULY OTAN SOǴYSYNYŃ BATYRLARY: Shákenov Kenjebek
ASTANA. QazAqparat - Uly Jeńistiń 70 jyldyǵy qarsańynda QazAqparat HAA surapyl soǵys jyldarynda óz Otanyn fashıstik basqynshylardan aman alyp qalǵan birtýar batyrlar týraly materıaldar jarııalaıdy. Sondaı batyrlardyń biri - Shákenov Kenjebek.
1924 jyly burynǵy Semeı oblysynyń Jarma aýdanynda dúnıege kelgen.
Maıdanda 1943 jyldyń tamyz aıynan bastap bolǵan.
184-gvardııalyq atqyshtar polkiniń avtomatshysy, gvardııanyń qatardaǵy jaýyngeri K. Shákenov 1943 jyldyń qyrkúıek aıynda alǵashqylardyń qatarynda Dnepr ózeninen Dnepropetrovsk oblysy Mıshýrın Rog aýylynyń tusynda júzip ótti. Jaýdyń úsh shabýylyna toıtarys berip, dushpannyń 17 soldaty men ofıtserin, iri kalıbrli pýlemetin joıdy. Lenın, 1-dárejeli Otan soǵysy ordenderimen marapattalǵan.
KSRO Joǵarǵy Keńesi Prezıdıýmynyń 1944 jylǵy 22 aqpandaǵy Jarlyǵymen K. Shákenovke Keńes Odaǵynyń Batyry ataǵy berildi.
