ULY OTAN SOǴYSYNYŃ BATYRLARY: Sergeı Lýganskıı
Ol 1918 jyly 1 qazanda Almaty qalasynda sharýa otbasynda dúnıege kelgen.
1938 j. Orynbordaǵy ushqyshtar mektebin, 1949 j. Máskeýdegi áskerı-áýe akademııasyn bitirgen. 1939- 1940 jj. keńes-fın soǵysyna qatysty. Ekinshi dúnıejúzilik soǵysy kezinde Lýganskıı 390 ret ushý saparyna shyǵyp, jaýdyń 37 ushaǵyn atyp túsirdi. 2 ret áýe taranyn jasady. Soǵystan keıingi jyldary KSRO QK-niń áskerı áýe kúshteri salasynda ár túrli joǵary basshylyq qyzmetterde boldy.
1941 jyly qazan aıynda maıdanǵa attanǵan S.D.Lýganskıı 1942 jyldyń mamyr aıynan 271-shi avıatsııalyq atqyshtar polkinde, sol jyldyń maýsym aıynan 1945 jyldyń naýryz aıyna deıin 270-shi avıatsııalyq atqyshtar polkiniń qatarynda boldy.
1943 jyldyń tamyz aıynda 270-shi avıatsııalyq atqyshtar polkynyń eskadrılıa komandıri kapıtan S.D.Lýganskıı 221 ret ushyp, jeke ózi 18 jaý ushaǵyn jáne ushqyshtar tobymen birigip, 1 ushaqty qulatty.
1943 jyldyń 2 qyrkúıeginde jaýmen shaıqasta kórsetken batyldyǵy men erligi úshin oǵan Keńes Odaǵynyń Batyry ataǵy berildi.
1944 jyldyń 1 shildesinde Ýkraına birinshi maıdanynyń bas qolbasshysy I.S.Konevtiń jeke nusqaýymen «Altyn juldyz» medalin ıelendi. Bul ýaqytta ol 355 áskerı ushýdy júzege asyryp, jaýdyń 33 ushaǵyn atyp qulatqan bolatyn.
S.D.Lýganskıı 1963 jylǵa deıin «MıG-15»-ten bastap «MıG-19»-ǵa deıingi túrli reaktıvti ushaqtarda ushty.
Soǵystan keıin áýe qorǵanysy kúshterinde qyzmet etti. 1949 jyly áskerı áýe akademııasyn támamdady. 1964 jyldan zapastaǵy avıatsııa general-maıory. Ol sondaı-aq "Ha glýbokıh vırajah", "Hebo ostaetsıa chıstym" syndy shyǵarmalardyń avtory. Maıdanger 1977 jyly 16 qańtarda kóz jumdy. Almaty qalasynda jerlengen.
Soǵys jyldarynda kórsetken erlikteri úshin 2 ret Lenın, Aleksandr Nevskıı, 2 márte Qyzyl Tý, Qyzyl Juldyz (2 ret) ordenderimen, kóptegen medaldarmen marapattalǵan.
«Áýe batyry» S.D.Lýganskıı gúlderdi asa qatty jaqsy kórgen, qoly bos ýaqytta olardy kútip-baptaýdan jalyqpaıtyn, dep eske alady ol týraly tanystary.
