ULY OTAN SOǴYSYNYŃ BATYRLARY: Dmıtrıı Panfılov

ASTANA. QazAqparat - Uly Jeńistiń 70 jyldyǵy qarsańynda QazAqparat HAA surapyl soǵys jyldarynda óz Otanyn fashıstik basqynshylardan aman alyp qalǵan birtýar batyrlar týraly materıaldar jarııalaıdy.

Keńes Odaǵynyń Batyry Dmıtrıı Ivanovıch Panfılov 1913 jyly 15 qazanda Batys Qazaqstan oblysy Bórli aýdany Bórli aýylynda sharýa otbasynda dúnıege kelgen.

Onyń otbasy 1929 jyly Qyrǵyzstandaǵy Osh oblysynyń Jalalabad qalasyna qonys aýdarady, ózi shofer bolyp jumys jasaıdy.

1935-1937 jyldar aralyǵynda Keńes Armııasynyń qatarynda bolady. 1941 jyldyń 24 maýsymynda áskerge shaqyrylyp, Máskeýdi qor​ǵaýǵa, Brıansk tóńiregindegi shaı-qastarǵa qatynasady. 1944 jyly Saratov tank ýchılışesin bitirgen.

Ekinshi Ýkraına maıdany 13-tank korpýsy 170-brıgada quramynda vzvod komandıri, kishi leıtenant D.Panfılov 1944 jyly 21 tamyzda erekshe kózge tústi. Chıorbeshtı kenti (Rýmynııa) mańynda barlaýǵa shyqqan onyń vzvody jaýdyń jolyn kesip tastap, 3 tankisi men 120-ǵa deıin sarbaz-ofıtserin joıdy. Sóıtip brıgadanyń alǵa jyljýyn qamtamasyz etti. 25 tamyz kúni Hýshı qalasy mańynda qorshaýda qalyp, tankisi isten shyqsa da, dushpannyń úsh shabýylyn toıtardy. Negizgi kúsh kelip jetkenshe snarıad bitkennen keıin granatalarmen urys júrgizdi.

Soǵys kezinde kórsetken batyr​lyǵy men erligi úshin D.Panfılovqa 1945 jyly 24 naýryzda Keńes Oda​ǵynyń Batyry ataǵy berildi.

1946 jyldan bastap leıtenant Dmıtrıı Panfılov zapasta bolyp, Jalalabadta elektroprıbor zaýytynda jumys istedi.

Lenın, Qyzyl Tý, Otan soǵysy ordenderimen marapattalǵan.

1985 jyly 10 jeltoqsanda qaıtys boldy, Ferǵanada jerlengen.