ULY OTAN SOǴYSYNYŃ BATYRLARY: Beısen Ońtaev
Beısen Seıituly Ońtaev 1922 jyly mamyrdyń 3-inde Ońtústik Qazaqstan oblysy, Ordabasy aýdany, Qaraaspan aýylynda dúnıege kelgen, ólgen jyly belgisiz. 2-shi dúnıejúzilik soǵysqa qatysýshy, barlaýshy, qatardaǵy jaýynger, qazaq.
Ata-anasynan jastaı jetim qalyp, balalar úıinde tárbıelengen. Soǵys qarsańynda Shymkent aýyl sharýashylyǵy tehnıkýmyn bitirip, Otyrar, Maqtaral aýdandarynda jer sýlandyrý júıesinde jumys istegen. Keńes áskeri kataryna 1942 jyldyń qańtarynda shaqyrylyp, Ortalyq maıdan 65-armııa 69-atqyshtar dıvızııasy 120-polki quramynda Uly Otan soǵysyna qatysqan.
Shabýyldardyń birinde bekingen jaý jaıaý áskerge bas kótertpedi. Ońtaev bastaǵan 13 jaýynger jer baýyrlap jaý transheıasyna jetti. 10 tankini qalqalaǵan 200-den astam jaý áskeri az ǵana topqa qarsy umtyldy. Al barlaýshylar 4 tankini talqandap, 80-nen astam jaý áskerin joıdy. 1943 jyly15 qazanda Radýli derevnıasy (Ýkraına, Chernıgov oblysy, Repkı aýdany) mańynda Dneprden ótý kezinde kórsetken erligi úshin Ońtaevqa KSRO Joǵarǵy Keńesi Tóralqasynyń Jarlyǵymen Keńes Odaǵynyń Batyry ataǵy berildi (30.10.1943).
Soǵystan keıin Shymkent pedagogıkalyq ınstıtýtyn bitirip, mektep dırektory qyzmetinde boldy. Týǵan aýylyna, sonymen qatar orta mektepke Ońtaev esimi berilgen. Lenın, l dárejeli Otan soǵysy, «Qyzyl Juldyz» ordenderimen, medaldarmen marapattalǵan.
