ULY OTAN SOǴYSYNYŃ BATYRLARY: Anatolıı Skorobogatov

ASTANA. QazAqparat - Uly Jeńistiń 70 jyldyǵy qarsańynda QazAqparat HAA surapyl soǵys jyldarynda óz Otanyn fashıstik basqynshylardan aman alyp qalǵan birtýar batyrlar týraly materıaldar jarııalaıdy.

Keńes Odaǵynyń Batyry Anatolıı Markovıch Skorobo​gatov 1906 jyly Batys Qazaqstan oblysy Kamen (qa​zirgi Tasqala) aý​dany 1-Shejin aýylynda dúnıege kelgen.

A.Skorobogatov soǵystyń bas​talǵany týraly habardy Máskeý qalasynda estıdi. Ol sol jerden ásker qataryna suranyp, 1941 jyly maıdanǵa attanady.

Aǵa mehanık-tank júrgizýshisi A.Skorobogatov Lenıngrad maıdany 21-armııa 29-gvardııalyq derbes aýyr tank polki quramynda 1944 jyly 21 maýsymda Vyborg túbindegi Tammısýo temirjol stansasy úshin urysta erekshe kózge tústi. Tankini sheber júrgize bilgen ol jaýdyń eki zeńbiregi men mınometin qurtyp jiberedi. Urys barysynda óziniń tanki isten shyqqanmen, gvardııashy tehnık-leıtenant A.Skorobogatov pýlemetpen dushpannyń 30 soldaty men ofıtserin joıdy. Sodan keıin ekıpaj quramynda jeti saǵat boıy qorshaýda qalyp, soǵysady. Aqyry oǵy taýsylǵansha atysyp, tank ishinde janyp ketedi.

A.Skorobogatovqa qaıtys bol​ǵan​nan keıin 1945 jyly 24 naýryzda Keńes Odaǵynyń Batyry ataǵy berildi. Vyborg qalasynda jerlengen.

Lenın, Qyzyl Tý ordenderimen marapattalǵan.

Onyń esimi týǵan jeri Tasqalada qurmetpen atalady. Sondaı-aq Oral qalasynyń bir kóshesine A.Skorobogatovtyń aty berilgen.