ULY OTAN SOǴYSYNYŃ BATYRLARY: Ábý Dosmuhambetov

ASTANA. QazAqparat - Uly Jeńistiń 70 jyldyǵy qarsańynda QazAqparat HAA surapyl soǵys jyldarynda óz Otanyn fashıstik basqynshylardan aman alyp qalǵan birtýar batyrlar týraly materıaldar jarııalaıdy.

Ábý Dosmuhambetov 1920 jyly Soltústik Qazaqstan oblysy, Ýálıhanov aýdany, Úshkól aýylynda dúnıe esigin ashyp, 1943 jyly qazannyń 5-i kúni Ýkraına, Kıev oblysy, Chernobyl qalasynda qaza tapqan. 2-dúnıejúzilik soǵysqa qatysýshy, aǵa leıtenant, atqyshtar rotasynyń komandıri.

Qazaqstanda 7 synypty bitirgen soń Qorǵan oblysy, Petýhov aýdany, Chebache selosynda turǵan. «Jańa jol» mal fermasynyń meńgerýshisi boldy.

1939 jyldyń qyrkúıeginde Keńes áskeri qataryna shaqyrylǵan. Ondaǵy polk mektebin úzdik bitirip, leıtenant ataǵyn alady. Dosmuhambetov Kıev qalasynan (Ýkraına) soltústikke qaraı Dnepr ózeninen ótý kezinde aıryqsha kózge tústi. 1943 jylǵy qyrkúıek aıynyń sońynda 8-atqyshtar dıvızııasynyń 1-atqyshtar rotasy Prıpıat saǵasynan soltústikke qaraı Dneprge jetken. Rotasymen shabýylǵa shyǵyp, jaýdy keri sheginýge májbúr etti.

Jaýmen jan alysyp, jan berisken soǵys maıdanynda 5 qazan kúni erlikpen qaza tapty. Kórsetken batyldyǵy úshin Dosmuhambetovke KSRO Joǵarǵy Keńesi Tóralqasynyń Jarlyǵymen Keńes Odaǵynyń Batyry ataǵy berildi (16.10.1943).

Chernobyl qalasynyń saıabaǵynda batyrdyń qurmetine bıýst ornatylǵan.